You are here: HomeNEWSየአዳማ ከተማ 100ኛ ዓመት ክብረ በዓል የመዝጊያ ስነ ስርአቷን አካሄደች

የአዳማ ከተማ 100ኛ ዓመት ክብረ በዓል የመዝጊያ ስነ ስርአቷን አካሄደች

Published in Latest News
Rate this item
(0 votes)


ኢትዬ ዴሞክራሲ ታህሳስ 23/2009 - የአዳማ ከተማ 100ኛ ዓመት ክብረ በዓል የመዝጊያ ስነ ስርአት ተካሄዷል ።

ፕሬዝዳንቱ በስነ ስርዓቱ ላይ እንደገለጹት ባለፉት 25 ዓመታት በከተሞች የሚታየውን ድህነትና ኋላ ቀርነት ለማስወገድ በተደረገው ጥረት በማህበራዊና ኢኮኖሚያዊ መስኮች አመርቂ ውጤቶች ተመዝግበዋል ።

በዚህም የተሻለ እንቅስቃሴ ከሚታይባቸው ከተሞች መካከል አዳማ አንዷ መሆኗን ጠቅሰዋል።

ይሁንና ከተማዋ ያላትን እምቅ አቅምና አማራጮች አሟጦ በመጠቀም ለነዋሪዎቿ በሚፈለገው ደረጃ ለውጥ በማምጣት ረገድ ብዙ እንደሚጠበቅ ጠቁመዋል ።

ለዚህም የክልሉ መንግስት፣ አስተዳደሩና መላው ህብረተሰብ በመቀናጀት በቁርጠኝነት መስራት እንደሚጠበቅባቸው አመላክተዋል ።

"የከተሞች ጽዱ፣ አረንጓዴና ውብ መሆን ለቱሪዝም ኮንፈረንስና ለኢንዱሰትሪና የንግድ ማዕከልነት ተመራጭ የሚያደርጋቸው በመሆኑ የአዳማ ከተማ አስተዳደርም  ይህን መርህ በመከተል ለተሻለ ለውጥና ብልጽግና መስራት አለበት" ብለዋል።

የአዳማ ከተማም ሆነ የክልሉ ህዝብ ለሰላም ዘብ በመቆም የተጀመረውን ፈጣን ልማት በማስቀጠል የህዳሴ ጉዞውን ማረጋገጥ እንደሚገባም ፕሬዝዳንቱ አሳስበዋል።

አዳማን ጨምሮ በሌሎችም የሀገሪቱ ከተሞች ድህነትና ኋላቀርነትን ለማስወገድ መላው ህዝብ ተሳትፎውን አጠናክሮ እንዲቀጥልም ጥሪ አቅረበዋል፡፡

የኦሮሚያ ክልል ርዕሰ መስተዳድር አቶ ለማ መገርሳ በበኩላቸው በክልሉ የተጣጣመ የከተማ ዕድገትና የህዝቦች ፍላጎት በትክክል ያገናዘበ የመሰረተ ልማት ዝርጋታና ቀልጣፋ አገልግሎት ለመዘርጋት አዲስ መዋቅራዊ አደረጃጀት እየተመቻቸ መሆኑን ገልጸዋል፡፡

የከተሞችን ልማት ለማፋጠንና የዜጎችን ህይወት ለመለወጥ የክልሉ መንግስት በሙሉ አቅሙ እየሰራ መሆኑን ጠቁመው፣ ዘመናዊ ከተሞችን ለመፍጠር ዓለም አቀፍ ተሞክሮዎችን ያካተተ አሰራር በአዲስ መልክ እየተዘረጋ  መሆኑንም ተናግረዋል።

ምንጭ፥ ኢዜአ

 

 

02293108
Today
Yesterday
This Month
Last Month
All days
2093
2072
62847
58315
2293108

Since April 1, 2014

Photo Gallery